Haba golom lheuh bu

Tajak ublang jak koh boh ceudieng
Tatop keu eumpieng ngon pade pu 'oh
Mulia tuan dompet bak keu ieng
Mulia geu ngieng geu satoh satoh

Meutan meupade pane keuh eumpieng
Meutan bak karieng pane keuh nunoh
Meutan pue puwo hana meuso ngieng
Hana so puhing tuan peurumoh

Sayang lampoh u le that boh lupieng
Sayang keurulieng bak kareung timoh
Sayang nibak peng gaseh on mulieng
Sayang that palieng paleh purumoh

Meuri kuala urueng kawe bieng
Meuri keurulieng pusieng eungkot noh
Meule peu puwo rame yg peuhing
Kutang ngong kutieng bagah that tuploh

Paloe meuduroe takoh uram trieng
Beuluhuen tacrieng bek bukah teuboh
Meutan peu puwo ta eh meukuwien
Dapu meutupin mate ale bus

Adat gunoh goh reusam gunong gieng
Meunan bak ta ngieng tuan peurumoh
Adat meusalee reusam meusalieng
Harta that geu ngieng tuan peurumoh