iMeuhut keu tampong lipah tajak koh
Meuhut keu rumoh papuen tamita
Aneuk miet manyak bajek seunimoh
Beugot tasatoh beuna ta aja
*
Bukonle sayang meubak sijaloh
Sibak ka meukoh sibak kabungka
Aneuk miet jinoe rame yg teuboh
Peuturot satoh piayasan donya
*
Bukonle sayang bak u likot moh
Hana tom jeut boh si umu masa
Meusujid rusak meulasah reuloh
Bale lee yg soh soe pakoe hana
*
Bukon le sayang bak u lampoh soh
Yg riek na saboh, putik han lena
Bukon le sayang aneuk miet ban groh
Dawok jisatoh nibak meucinta
*
Bukonle sayang pade teungoh rhoh
Katulo mamoh soe paroh hana
Ulama ka dit dayah karab soh
Teungku yg jroh2 tinggai padum na
*
Bukonle sayang paya blang teungoh
Taseut le saboh thoe ban dua
Aneuk miet cut2 hana le teugoh
Akhlak karuloh tan toe ulama
*
Bukonle sayang urueng keumukoh
Meugunca yg soh sinaleh yg na
Dawok keu donya agama reulhoh
Beurukat gadoh ringget hareuta
*
Pade boh ceudieng eumping ngon pu 'oh
Tatop ngon nunoh si jeungki raja
Aneuk miet jino oh wate suboh
Rame yg cok groh di ateuh tika
*
Paya seunireh raboe kapunoh
Paya lhok pangoh abeuk that raya
adat ka reule reusam ka gadoh
Rame yg bukit buah agam ngon dara
*
Intropeksi diri sagai !!!!!
Komentar