pantoen aceh abaikan saja

Jisurak burong,hideh dlam gle
Teukeujot toke,teungoh blo guda
Meusipak pingan,meugidong ceupe
Alahai toke,keubit sep gura

Wate ku baca,keubit meusampe
Kisah neu uke,pete keulua
Memang ka meunan,hai Polem kade
Bek that tapike,abaikan saja

Takoh bak lipah,reubah bak awe
Keudeh meugule,ucong bak lada
Wate takira,han ek tapike
Ka meunan hase,jino troh teuka

Tasipak gajah,ngon ujong beude
Tanyo tik kawe,kajikab buya
Tapajoh kuweh,teu'uet boh pade
Keudeh meugule,lam prut sidara