Apa deurih yg culek sipot
Apa dawod meublek blek mata
Apa ma e yg jak u la ot
Yg pajoh eungkot ka apa baka
*
Bak beut yg pantah meutuka patot
Bak buet yg karot meutuka banja
Bak buet yg pantah beu sarat patot
Bak buet yg karot meubek tasuka
*
Meunyo hana angeng yg bapot
Pane patot suwe meuputa
Meunyo hana sapue yg jitot
Pane patot asap meubura
*
Cupo insyah yg toh geuntot
Keunong carot mateh hawa
Awai reunggang bak su meudhot
Bulueng punjot leumah beda
*
Meunyo galak takawe eungkot
Taboh peurambot ikat peunuta
Meunyo galak ta pawang la ot
Beujuet bak tagot dayong nakhoda
*
Meunyo hajat pajoh boh rambot
Beugot tacugot meubek meukuba
Haba meupunyi asai ku subot
Meupat tan patot neuboh uluwa
*
Haba lon cukeh meubek sampe rhot
Neucok yg patot neukeubah seuna
Ulon jak ikeu meugantoh teu ot
Lon jak di likot tinggai sidupa
*
Haba muphom sira eh
Komentar