Kuala idi bate meutindeh
Kuala rigeh bate meucula
Panton ngon cae buhu meutuleh
Panton keu wareh mandum syedara
*
Adak hana troh u nanggroe bugeh
Ta sapeh2 et nanggroe gowa
Adak hana troh ta mita gadeh
Ta sapeh2 mita yg janda
*
Adak hana jeut bahasa pranceh
Bahasa inggreh na meuphom kata
Adak pihana yg lage arteh
Adak hi mateh neu sinuet saja
*
Adak pih hana mamplam beurandeh
Mamplam meutapeh talhok ngon sira
Adak kahana dara beuruteh
Jadeh sang meu eh ngon inong tuha
*
Adak kahana tajak u blahdeh
Et aleu nireh beuna neu teuka
Adak kahana inong yg puteh
Neu sapeh sapeh bak inong sukla
*
Mangat mangat tapajoh kuweh
Bak sagoe binteh ka geulhat bada
Alahai rakan bek neukhun paleh
Haba sira eh keu gura gura
Komentar