Ilhap glang sigoe goe

Sungket meulayu tablo di penang
Sungket keurawang tablo di jawa
Lon ek rhot buluen lon tron rhot bintang
Lon ci jak pandang seulanga jeumpa
*
Hana peng ngon blo lon ci jak mutang
Gata lon pinang seulangke ku ba
Asai beujadeh dinda lon tunang
Lam ruweung parang kujak tueng gata
*
Adak that luah teubeng yg manyang
Bukon peunghalang nibak kakanda
ra ueh lon rinteh dlm mideun prang
Demi lon pandang kumbe seuruja
*
Di bangka hulu kubloe seulindang
Ija seumbahyang di kutaraja
U nanggroe pase kupuwoe rijang
Uencien ngon subang keu tanda cinta