Jangeun bukit hari

Bak dama hijoe singet u pante
Meubak meurante singet u paya
Meuka sapue khuen ka saboh pike
Hana le meucre meupisah dua
Meuka saban jak ka saboh hate
Lam aneuk bude ta sangga mara
*
Ranup seulaseh tapot sitangke
Ranup lam bate asoe ceurana
Hudep sipakat beu sare sare
Dame beu sabe lam rumoh tangga
Ulon tueng gata peutaroh mate
Tuboh yg reule gata toep luka
*
Alahai kumbe bungoeng sirungke
Hudep dlm gle lam meudiwana
Gaseh keu gata si punoh hate
Ban bungong pade sayang lon meusra
Hana lon bilah ranup ngon gambe
Keugata sabe insip lam dada
*
Buluen limong blah indah bukon le
Bintang meuble ble ateuh antara
Jarueng lon tume budho ngon pi e
Dara bineh gle jak ralue lada
Nudon lam nudon seuke dipante
Gata lam hate si lama lama
*
Lingong that linggong reulueng meurawe
Raket meu rante deungon urot ba
Inong yg lagak peusaket hate
Inong jroh pi e peuleupie jiwa
Adak di lakoe ka awai mate
Jaroe hana pre jilinteung doa