Seulawet teuka kapai di inggreh
Kapai portugeh beurangkat jiwoe
Seulawet teuka blender si puteh
Batee seumupeh hana meusoe bloe
*
Masa dilee kon ckp that lareh
Mawa ngon mateh sabe geupakoe
Adak yg dara aneuk miet gadeh
Galak seumupeh asam boh kiroe
*
Aweuh campli jra ngon bawang puteh
Abeh dum teh teh mandum ji eungkho
Adak teumanguen alahai mateh
Suwah lieh gateh mangat han bagoe
*
Kawom sambinoe ngon dabueh payeh
Geu gileng abeh mameh ie jaroe
Hana pih kuwut badan ngon beuteh
Mata yg peudeh hana geupakoe
*
Meunan peukatuen masa baroe jeh
Yoh goh meulaggeh adat meucawoe
Reusam budaya hana yg jayeh
Yg paleh2 han geutueng bagoe
*
Laen ka jamuen meutuka peuceh
Keunyeh yg gadeh oh masa jinoe
Tayue jak u blang hana ji pateh
Sayang that beuteh dilon ka kutoe
*
Ta yue sampoh broh ka jiwiet pureh
Tayue seumugleh takot keu kutoe
Kadang tukok u iniem ngon tapeh
Yg cukop seudeh meu nan ka tuwoe
*
Beda jamun nyoe dgn baroe jeh
Sira ji eh eh hape bak jaroe
Ji buka facebook haba jituleh
Aduh capek deh jak wet wet bunoe
*
Ulon jak keunoe ulon jak keudeh
Dgn bang lateh rata jeup sagoe
Abeh utuen nyoe tamong utuen jeh
jak meukat kuweh peulareh tumpoe
*
Laen yg agam muda baroe jeh
Ji sapeh sapeh dlm blang mugoe
Kon lage jinoe meutuka abeh
Sinoe ngon sideh jak uet boh panjoe
*
Meunan sigutu haba lon tambeh
Teurimong gaseh yg baca rampoe
Meunyo na salah kata lon tuleh
Bek beu ot gateh neurugam jaroe
Komentar