Deungon Bismillah lon cok beureukat
Peuhaba sahbat bandum sineuna
Tapujoe Allah nyang Maha Ahad
Rasul Muhammad rahmat Sijahtra
-
Mita raseuki ladoem ta meukat
Nyang pula coklat keubon geubuka
Han puleh-puleh galak meuradat
Meunyum leumak that gaseh jiteuka
-
Bak saboh masa guree lon meuhat
Geubri nasehat bak saboh masa
Na LIMONG RACON BEUSEURTA UBAT
Idin lon riwat peu pakhok haba
-
DONYA nyoe RACON, ZUHUD keu UBAT
Meubek keuh that-that galak hai syahra
Meubek tapeulet meubek takarat
Nyang jeut mudharat rugoe leupahna
-
Beuna ta ZUHUD peuji'oh lazzat
Saba keu nikmat Allah Tan ridha
Peulom peukahra nyang jeut maksiat
Ta syukor nikmat leubeh utama
-
Teuma keudua racon ka meuhat
Wahee E sahbat ureung yang Kaya
Meunyang jai HARTA chit lee akibat
Jai that mudharat ateuh rhueng donya
-
Beujai SEUDEUKAH seubagoe UBAT
Harta nyang jai that jih keuh PEUNAWA
Keu aneuk yatim gasin meularat
Tajoklah Rahmat mangat dirasa
-
Jai that MEUKALAM, HANA MANFAAT
KeuRACON mangat nyang seulanjotnya
Beuna tapikee peunyang ta ucap
Han akan silap Malaikat kira
-
Beujai meu DZIKIR pujoe hadharat
Seubagoe UBAT kalam nyang sia
Ureung meudzikir meureumpok Rahmat
Peunyang geu ucap kana Fahala
-
Racon nyang keu peut UMU hai sahbat
Adalah THA'AT nyang jeut PEUNAWA
Sabee lam rugoe Tuhan ka geucap
Lam Qur an meuhat meutuleh nyata
-
Geutanyoe laloe salah ngon silap
Nyang amai khairat ureung nyan laba
Ureung yang Lalee taci peu ingat
Supaya leugat digobnyan jaga
-
Keunyang seuneulheuh jinoe katrok had
Supaya Tamat haba lon puga
THON nyan banmandum RACON nyang peukat
Jiba seupot klap bandum teurata
-
Nakeuh RAMADHAN seubagoe UBAT
Nak trang meukilat siumu masa
Ukeu geutanyoe buleun sep hebat
Pinggang ta-ikat amai keurija
-
Uroe puasa malam ta shalat
Neubri Ya Ahad umu teuh beuna
Diateuh dausa beu-Ek ta Taubat
Buleun beureukat beurhoh lam taqwa
-
Sang kasep 'ohnoe surah ka tamat
Lon pada radat moga meuguna
Nyang katem baca trimong gaseh that
Meupat na silap meu'ah lon pinta
===========================
Note :
5 Jenis Racun dan 5 Penawarnya
1. Dunia itu racun, zuhud itu obatnya.
2. Harta itu racun, zakat itu obatnya.
3. Perkataan yang sia-sia itu racun, zikir itu obatnya.
4. Seluruh umur itu racun, taat itu obatnya.
5. Seluruh tahun itu racun, Ramadhan itu obatnya.
Peuhaba sahbat bandum sineuna
Tapujoe Allah nyang Maha Ahad
Rasul Muhammad rahmat Sijahtra
-
Mita raseuki ladoem ta meukat
Nyang pula coklat keubon geubuka
Han puleh-puleh galak meuradat
Meunyum leumak that gaseh jiteuka
-
Bak saboh masa guree lon meuhat
Geubri nasehat bak saboh masa
Na LIMONG RACON BEUSEURTA UBAT
Idin lon riwat peu pakhok haba
-
DONYA nyoe RACON, ZUHUD keu UBAT
Meubek keuh that-that galak hai syahra
Meubek tapeulet meubek takarat
Nyang jeut mudharat rugoe leupahna
-
Beuna ta ZUHUD peuji'oh lazzat
Saba keu nikmat Allah Tan ridha
Peulom peukahra nyang jeut maksiat
Ta syukor nikmat leubeh utama
-
Teuma keudua racon ka meuhat
Wahee E sahbat ureung yang Kaya
Meunyang jai HARTA chit lee akibat
Jai that mudharat ateuh rhueng donya
-
Beujai SEUDEUKAH seubagoe UBAT
Harta nyang jai that jih keuh PEUNAWA
Keu aneuk yatim gasin meularat
Tajoklah Rahmat mangat dirasa
-
Jai that MEUKALAM, HANA MANFAAT
KeuRACON mangat nyang seulanjotnya
Beuna tapikee peunyang ta ucap
Han akan silap Malaikat kira
-
Beujai meu DZIKIR pujoe hadharat
Seubagoe UBAT kalam nyang sia
Ureung meudzikir meureumpok Rahmat
Peunyang geu ucap kana Fahala
-
Racon nyang keu peut UMU hai sahbat
Adalah THA'AT nyang jeut PEUNAWA
Sabee lam rugoe Tuhan ka geucap
Lam Qur an meuhat meutuleh nyata
-
Geutanyoe laloe salah ngon silap
Nyang amai khairat ureung nyan laba
Ureung yang Lalee taci peu ingat
Supaya leugat digobnyan jaga
-
Keunyang seuneulheuh jinoe katrok had
Supaya Tamat haba lon puga
THON nyan banmandum RACON nyang peukat
Jiba seupot klap bandum teurata
-
Nakeuh RAMADHAN seubagoe UBAT
Nak trang meukilat siumu masa
Ukeu geutanyoe buleun sep hebat
Pinggang ta-ikat amai keurija
-
Uroe puasa malam ta shalat
Neubri Ya Ahad umu teuh beuna
Diateuh dausa beu-Ek ta Taubat
Buleun beureukat beurhoh lam taqwa
-
Sang kasep 'ohnoe surah ka tamat
Lon pada radat moga meuguna
Nyang katem baca trimong gaseh that
Meupat na silap meu'ah lon pinta
===========================
Note :
5 Jenis Racun dan 5 Penawarnya
1. Dunia itu racun, zuhud itu obatnya.
2. Harta itu racun, zakat itu obatnya.
3. Perkataan yang sia-sia itu racun, zikir itu obatnya.
4. Seluruh umur itu racun, taat itu obatnya.
5. Seluruh tahun itu racun, Ramadhan itu obatnya.
Komentar