Salam'alaikum kawoem ngon rakan
Tapujoe Tuhan Nyang Maha Esa
Seulaweut Saleum akan janjongan
Nabi yang khatam Muhammad Nama
-
Katroek bak akhe buleun Ramadhan
'Oh lheuh nyan teuman laju jibungka
Tan lee Taraweh bak buleun Syawal
Fi Hadzal Yauman kajeut tabuka
-
Kajeut keu adat meusambong reusam
Meubloe pakaian keu uroe raya
Aneuk mit cut-cut seunang hana ban
Meunghana meunan kureung meurasa
-
Lon neuk meukisah keu handai taulan
Saboh renungan masa nyang ka-ka
Bak saboh masa sidroe Suluthan
Adee kon wayang 'oh jeut keu raja
-
'Abeudol 'Aziz nama yah gobnyan
Geuboh nan gobnyan adalah 'Uma
Khalifah zuhud ta'at keu Tuhan
Lagi Dermawan Amirul 'Uma
-
Nibak siuroe watee sabon jan
Geuduek suluthan deungon aneuknda
Di aneuk inong mata ka seumbam
Jimoe disinan Leumueng ayahnda
-
Rupa-rupanya nibak masa nyan
Akhe Ramadhan wahee saudara
Geukheun lee ayah "Aneuk lon tuwan
Ka-im beurijang bek kamoe gata"
-
"Pakon keuh ka klik wahee e intan
Peuseubab sayang kapeugah lanja?"
Ngon keumong mata ayah jipandang
Jibuka kalam "wahee ayahnda"
-
"Aneuk miet laen akhe ramadhan
Geubloe pakaian lee ayah bunda
Ngon bajee baroe bak awai Syawal
Di ulon tuwan sidroe nyan hana"
-
"Seudang ayah lon sidroe suluthan
Nyan mat pimpinan raja manusia"
Meuban geudeungoe jipeugah meunan
Geubeudoh rijang khalifah 'uma
-
Bak beundahara nibak Baitul Maal
Laju deungon trang peugah calitra
"Gaji lon ukeu peu neupeu pinjam
Ulon meu utang hai beundahara?
-
"Lon neuk bloe bajee aneuk lon tuwan
Mangat jih seunang meu uroe raya"
Geuseu'ot bagah beundahara nyan
Hana jeut keu hai Amirul 'Uma
-
"Hana meudaleh nibak lon tuwan
Tapi hai sulthan pakri keuh teuma?
Peu ek neujamin buleun meundatang
Jawong lam badan peukeuh mantong na?"
-
Meuban geudeungoe meunan jawaban
Kuyu hanaban khalifah 'Uma
Laju geugisa bak aneuk badan
Hatee geuh bimbang jilee ie mata
-
Aneuk pih hireun ayah ka meunan
'Uma meukalam nibak nyan masa
"Peu Ek ka saba hai aneuk badan
Cobaan Tuhan tanyoe beusaba"
-
"Mangat syuruga geubri lee Tuhan
Aneuk deungon Nang meusapat dua
Meungtan ka saba hana pakaian
Takot lon tuan tamong nuraka"
-
"Dilon kusaba kakeuh lagee nyan
Bajee bak badan jeut nyoe meumada"
Kabeh calitra hingga disinan
Cok peulajaran wahee saudara
-
Sibeurangkasoe geubri cobaan
Geutanyoe insan wajeb tasaba
Bek tapeulaku nyang Allah larang
Atau buet munkar bek takeurija
-
Ca-e ulon toep lon kheun wassalam
Pat-pat na irang meu'ah lon pinta
Maklom dilon nyoe dalam meungarang
Tan peungalaman mengui bahasa
Tapujoe Tuhan Nyang Maha Esa
Seulaweut Saleum akan janjongan
Nabi yang khatam Muhammad Nama
-
Katroek bak akhe buleun Ramadhan
'Oh lheuh nyan teuman laju jibungka
Tan lee Taraweh bak buleun Syawal
Fi Hadzal Yauman kajeut tabuka
-
Kajeut keu adat meusambong reusam
Meubloe pakaian keu uroe raya
Aneuk mit cut-cut seunang hana ban
Meunghana meunan kureung meurasa
-
Lon neuk meukisah keu handai taulan
Saboh renungan masa nyang ka-ka
Bak saboh masa sidroe Suluthan
Adee kon wayang 'oh jeut keu raja
-
'Abeudol 'Aziz nama yah gobnyan
Geuboh nan gobnyan adalah 'Uma
Khalifah zuhud ta'at keu Tuhan
Lagi Dermawan Amirul 'Uma
-
Nibak siuroe watee sabon jan
Geuduek suluthan deungon aneuknda
Di aneuk inong mata ka seumbam
Jimoe disinan Leumueng ayahnda
-
Rupa-rupanya nibak masa nyan
Akhe Ramadhan wahee saudara
Geukheun lee ayah "Aneuk lon tuwan
Ka-im beurijang bek kamoe gata"
-
"Pakon keuh ka klik wahee e intan
Peuseubab sayang kapeugah lanja?"
Ngon keumong mata ayah jipandang
Jibuka kalam "wahee ayahnda"
-
"Aneuk miet laen akhe ramadhan
Geubloe pakaian lee ayah bunda
Ngon bajee baroe bak awai Syawal
Di ulon tuwan sidroe nyan hana"
-
"Seudang ayah lon sidroe suluthan
Nyan mat pimpinan raja manusia"
Meuban geudeungoe jipeugah meunan
Geubeudoh rijang khalifah 'uma
-
Bak beundahara nibak Baitul Maal
Laju deungon trang peugah calitra
"Gaji lon ukeu peu neupeu pinjam
Ulon meu utang hai beundahara?
-
"Lon neuk bloe bajee aneuk lon tuwan
Mangat jih seunang meu uroe raya"
Geuseu'ot bagah beundahara nyan
Hana jeut keu hai Amirul 'Uma
-
"Hana meudaleh nibak lon tuwan
Tapi hai sulthan pakri keuh teuma?
Peu ek neujamin buleun meundatang
Jawong lam badan peukeuh mantong na?"
-
Meuban geudeungoe meunan jawaban
Kuyu hanaban khalifah 'Uma
Laju geugisa bak aneuk badan
Hatee geuh bimbang jilee ie mata
-
Aneuk pih hireun ayah ka meunan
'Uma meukalam nibak nyan masa
"Peu Ek ka saba hai aneuk badan
Cobaan Tuhan tanyoe beusaba"
-
"Mangat syuruga geubri lee Tuhan
Aneuk deungon Nang meusapat dua
Meungtan ka saba hana pakaian
Takot lon tuan tamong nuraka"
-
"Dilon kusaba kakeuh lagee nyan
Bajee bak badan jeut nyoe meumada"
Kabeh calitra hingga disinan
Cok peulajaran wahee saudara
-
Sibeurangkasoe geubri cobaan
Geutanyoe insan wajeb tasaba
Bek tapeulaku nyang Allah larang
Atau buet munkar bek takeurija
-
Ca-e ulon toep lon kheun wassalam
Pat-pat na irang meu'ah lon pinta
Maklom dilon nyoe dalam meungarang
Tan peungalaman mengui bahasa
Komentar