GARA GARA RAKAN

watee di gampong,tinggai lam desa
Bak jambo bata,mita raseuki
Kadang oh supot,lon bloh lam paya
Kadang lheuh insya,keudeh u pasi
********************************
Hudep di gampong,phet that keurija
mutumey rupiya,sep sep sehari
Jiwoe di rakan,nanggroe malaya
Ji peugah haba,bah lua negri
*****************************
Ji peugah ringget,nilai han sama
Deungon rupiya,jioh han sakri
Bak haba mameh,lon teupeudaya
Publoe pue yg na,itek keubiri
*****************************
Laju lon arong,selat malaka
Lon com jaroe ma,izin beu neubi
Oh ban troh keunoe,ka di pareksa
Ho kaneuk teuka,kheun imigrasi
*****************************
Wet2 si buleun,ka abeh masa
Mate di visa,masa ka basi
Oh ta eh malam,han teungeut mata
Ingat trok rela,ngon imigrasi
****************************
Kadang cit ta eh,keudeh lam rimba
kadang trok teuka,di dalam kali
Meugah u gampong,sam Diego kaya
Tinggai i malaya,buet goyang gaki
******************************
Padahai hudep,peudeh lon rasa
Kadang krija,tan pat cok gaji
Kadang pajoh bu,seureng ngon sira
Cuma lam maya,fhoto ngon KFC