LAKE MEU AH URO RAYA

Tamula pujo keupo teuh ALLAH
yang maha gagah yang that kuasa
seulaweut saleum keu nabi yullah
keu al dah sahbah bandum seureuta
neu izin wate bacut lam madah
rambat lon kisah meuah lon pinta
harap manfaat kanibak ALLAH
neubri faedah keu tanyo dumna
**************
jino tamula bek bagah bagah
lake bak ALLAH peu tunyok beuna
buleun puasa beurangkat sudah
singoh hai sahbah ka uro raya
ureung jak takbir rata meunasah
muda dan cidah riang gembira
meunyo aneuk mit hanpu tapeugah
sibok meuleumpah marcon jimita
***********
alah kakeuh hom ka meunan ulah
yag perle peugah neuk meuah dosa
buhu lon balek titek ngon harah
awai mate ah dudo mate a
teutapi jino laen lom lage
dudo mate e awai mate a
**************
keunaleung sipre kaso meu busa
jati jepara seuneulet kaye
oh singoh beungoh ka uro raya
buleun puasa cit kabeh wate
deungon beureukat RABBON kuasa
akan keu hamba beu neubri wate
yg ka tapubut beu neubi fahla
mubek keuh luka meu yang meu teume
****************
teuma hai ampon kaom saudara
lam donya maya lon sinteu ule
keumun ngon apa akak ngon cuda
agam ngon dara keuno nging dile
kadang di ulon bak wayang seunda
long bi komenta roh meukah meu ke
kadang seu tatuih wate long puga
roh haba gasa keuno ulon me
*************
deungon karna nyan lon mohon pinta
bek le meu dosa meu sion bule
seumoga singoh bak uro raya
beu geubri fahla lage ta perle

duablah jaro lon mohon pinta
meuah saudara keu ulon dile
miseu nibak lon sang hana dosa
adun ngon cuda bandum ka lon ple
************
bekle meu kumat meu bacut dosa
didalam dada bekle neu seube
meunan sit ado saudara lingka
tan le lon seuba beungeh ulon me
kuala tambu han meuho le ka
sang ublang kuta jino ka jime
ohno mumada haba long rika
keu aso haba meuah long lake,,,,,,,,,,,,,
"" AWAK NYAN ,, KA PEUMEU AH LONG BEH,,,, ""